டென்வர் சட்டசபை

போன பதிவில் சொன்ன கடை தெருவுக்கு பக்கத்திலேயே தான், டென்வர் இருக்கும் கொலராடோ மாநிலத்தின் சட்டசபை இருக்கிறது.



இதன் வடிவமைப்பு, வாஷிங்டனில் இருக்கும் அமெரிக்க நாடாளுமன்றத்தை ஒத்தது என்று நான் சொல்லவில்லை. இரண்டையும் பார்த்தவர்கள் சொல்கிறார்கள்.





இதன் முன்பக்கம் ஒரு சின்ன பார்க் இருக்கிறது. அதன் புல்தரையெங்கும் புறாக்கள் கூட்டம். யார் பக்கம் வந்தாலும், கண்டுக்கொள்ளாமல் அதன் வேலையை அவை பார்க்கின்றன.



வார நாட்களில் சென்றால், இந்த சட்டசபைக்கு உள்ளே செல்ல முடியுமாம். நான் வாரயிறுதியில் சென்றதால், அதற்கு வாய்ப்பில்லாமல் போனது.





ஏற்கனவே சொன்னது போல், இங்கும் சுற்றி சுற்றி நிறைய சிற்பங்கள்.





டென்வர் வரும் சுற்றுலா பயணிகள் பார்க்கும் இடங்களில் ஒன்று இது. நிறைய டூரிஸ்ட் பேருந்துகளைக் காண முடிந்தது.



ஒரு நடுத்தர வயதுக்காரர் தள்ளு வண்டியில் ஐஸ் விற்றுக்கொண்டிருந்தார். மேங்கோ குச்சி ஐஸ். அதில் மிளகாய் தூள் தூவி. உறைப்பு மாங்காய் சாப்பிட்டது போல் இருந்தது.

Be a Fan