பெங்களூர் கார்ட்டூன் கண்காட்சி (புகைப்பட பதிவு)

இன்று ஒரு பேங்க் வேலையாக பெங்களூர் எம்.ஜி. ரோடு சென்றிருந்தேன். வேலை முடிந்து வண்டியை எடுக்கும்போதுதான் அதை கவனித்தேன். ஆர்.கே.லக்‌ஷ்மண் கார்ட்டூன் கண்காட்சி. வண்டியை விட்டுவிட்டு அப்படியே உள்ளே சென்று விட்டேன்.



இதை நடத்துவது இந்தியன் இன்ஸ்ட்டிடூட் ஆஃப் கார்ட்டூனிஸ்ட்ஸ். கார்ட்டூன் ரசிகர்களும், பொழுது போகாதவர்களும் போய் பாருங்க. பிப்ரவரி 21 வரை நடைபெறுகிறது.



கார்ட்டூனில் உள்ள வாக்கியம் தெளிவாக தெரிய, க்ளிக்கி, பெரிதாக்கி காணுங்கள்.



ஆர்.கே. லக்‌ஷ்மண் ஐம்பது வருடங்களுக்கு மேலாக ”தி டைம்ஸ் ஆஃப் இந்தியா” பத்திரிக்கையில் பணியாற்றி வருகிறார். இவர் கர்னாடகத்தில் ஒரு தமிழ் குடும்பத்தில் பிறந்தவர். ஆர்.கே. என்பது ராசிபுரம் கிருஷ்ணசுவாமி. ஆபிஸில் 8:30க்கு கரெக்டா இருப்பாராம். இப்ப, ஸ்ட்ரோக் வந்த பிறகு, வீட்டில் இருந்து வேலை பார்க்கிறாராம்.



கார்ட்டூன், ஒரு நிகழ்வின் மீதான, வரையும் கலைஞனின் விமர்சனம். இரண்டு-மூன்று பக்கங்களில் சொல்லுவதை ஒரு கார்ட்டூனில் நறுக்கென்று சொல்லிவிடலாம். இதனால்தான் சில சமயம் கார்ட்டூன்களுக்கு பெரிய அளவில் எதிர்ப்புகள் வருகிறது.



பார்க்க வந்தவர்கள் ஆங்காங்கே நின்று கொண்டு சிரித்து கொண்டிருந்தார்கள். இந்திராவை கேலி செய்து வைத்திருந்த கார்ட்டூன்கள் தான் ஏராளம்.



தமிழனைக் கிண்டல் செய்து ஒரு கார்ட்டூன்.



எத்தனை வருடங்கள். எவ்வளவு படங்கள். இவரது கார்ட்டூன் தொகுப்பை பார்த்தாலே, வரலாற்று நிகழ்வுகளை தொடர்ச்சியாக வேகமாக தெரிந்து கொள்ளலாம்.



இந்த படத்தில் குடைக்கு மேலே உள்ள ஒளி வட்டம், அந்த கூடத்தில் இருந்த விளக்கின் பிரதிபலிப்பு. இப்ப பார்க்கும்போது, சூரியன் போல் பொருத்தமாக உள்ளது.



ஒரு கார்ட்டூன் போட்டியும் நடைபெறுகிறது. விவரங்கள் இங்கே.

Be a Fan