ரசிகர்கள் நடிகர்களிடம் கேட்க விரும்பும் 10 கேள்விகள்

ரசிகர்கள் நடிகர்களிடம் (நாக்க புடிங்கிக்கிற மாதிரி) கேட்க விரும்பும் 10 கேள்விகள்

1) தலைவா, நான் படிக்கும் போதுதான் ஒரு இருபது வயசு பொண்ணு கூட ஆடிட்டு இருந்த. இப்ப என் மவனும் படிச்சு முடிச்சிட்டான். இன்னமும் அதே மாதிரி இன்னொரு இருபது வயசு பொண்ணு கூட ஆடிட்டு இருக்கியே. ஏன் இப்படி?

2) ஒரு படம் ப்ளாப் ஆன பின்னாடியும், ஒரு தயாரிப்பாளரின் வாழ்க்கையை ஒழிச்சு கட்டுன பின்னாடியும், எப்படி அதே சம்பளத்தை, கோடிகளில, உங்களால எந்த சங்கடமும் இல்லாம கேட்க முடியுது?

3) சார். உங்க வயசு எங்களுக்கு தெரியும். உங்க வயசுக்காரங்க முடி என்ன கலர்ல இருக்கும்ன்னு எங்களுக்கு தெரியும். அப்புறம் ஏன் இன்னமும் டை அடிச்சிக்கிட்டு? நிஜ வாழ்க்கையிலும் இந்த மேக்கப் தேவையா?

4) அது என்னப்பா, உங்களுக்கெல்லாம் பொது மக்கள் மேல சேவை உணர்வு உங்க மார்க்கெட் போனதுக்கப்புறம் தான் வருது?

5) உங்க பையனுக்கு ஒண்ணும் தெரியாது, நடிக்க வாரான். சரி. அது என்ன, நீங்களும் உங்க பையனும் ஒரே பொண்ணு கூட ஆடிட்டு. அசிங்கமா இல்ல?

6) உங்களுக்கு இன்னொரு நடிகனை பிடிக்கலைன்னா, அதுக்கு ஏங்க கதைக்கு சம்பந்தமே இல்லாமே, அவுங்களை திட்டி டயலாக் பேசிட்டு? நாங்க காசு கொடுத்து படம் பார்க்க வருறது, உங்க சில்லறைத்தனமான சண்டைய பார்க்கவா?

7) காமெடி பண்ணனும்ன்னா யாரையாவது அடிச்சோ, உதைச்சோ, திட்டியோ, கிண்டல் பண்ணியோ, கேவலப்படுத்தியோ, கெட்ட வார்த்தையில பேசியோ தான் சிரிக்க வைக்க முடியுமா? வேற முறையே இல்லையா? டீ.ஆர்., ஜே.கே.ஆர் இவுங்கள பார்த்தாவது திருந்த வேண்டியதுதானே?

8) உங்க பேருக்கு முன்னால ஒரு பட்டப்பேரு வச்சிருக்கீங்களே? அதுக்கு என்ன அர்த்தம்? அதுக்கும் உங்களுக்கும் ஏதாவது சம்பந்தம் இருக்கா?ன்னு என்னைக்காவது யோசிச்சியிருக்கீங்களா?

9) படத்துல நடிக்குறதுக்கு முக்கியமான தகுதிகள்ன்னு, டான்ஸ் ஆடுறது, சிலம்பம் சுத்துறது, கராத்தே போடுறது, குதிரை ஓட்டுறதுன்னு, இதையெல்லாம் யாருய்யா சொன்னது? நடிக்குறது தானே முக்கியம்?

10) யக்கா, எப்படித்தான் நடிக்க வந்திருக்காட்டி டாக்டர் ஆகிருப்பேன், வக்கீல் ஆகிருப்பேன்ன்னு உங்களாலே புளூக முடியுது? அதான், உங்களுக்கு நடிக்க வரலில்ல? டாக்டர் ஆகிருக்க வேண்டியது தானே?

Be a Fan