ரயிலில் நண்பருடன் பேசிக்கொண்டிருந்த போது, தான் முந்திய தினம் தசாவதாரம் படம் பார்த்ததை கூறி கொண்டு வந்தார்.
"படம் நல்லா இருந்திச்சி. ஆனா ஏதோ யோகி கேரக்டர், யோகி கேரக்டர்'ன்னு சொன்னாங்களே, அது படத்துல வரவே இல்லையே?"
எனக்கு கொஞ்சம் நேரம் ஒண்ணும் புரியல. அப்புறம் கேட்டேன்.
"ஏங்க... கமலோட அடுத்த படம் மர்ம யோகி. அத சொல்றீங்களா?"
நண்பர் ஹி ஹி என்று அசடு வழிந்தார்.
-------------------------------------------------------
என் கல்லூரி நண்பன் வேலையில் சேர்ந்த பிறகு என்னிடம் ஒரு வீடோ அல்லது பேயிங் கெஸ்ட் மாதிரியோ ஒன்றை பார்த்து தர சொன்னான். நானும் என் அலுவலகத்தில் வேலை பார்க்கும் ஒருவரிடன் இது குறித்து கேட்டேன். அவர், "என் வீட்டு பக்கம் பெண்கள் தங்கும் பேயிங் கெஸ்ட் வீடு தான் உள்ளது" என்றார்.
பின்பு ஒரு நாள், அவனை சந்தித்த போது, "டேய், கேர்ள்ஸ் பேயிங் கெஸ்ட் வீடு தான் டா இருக்குதாம்" என்றேன்.
அதற்கு அவன் சொன்னான்,
"அவங்களுக்கு பிரச்சனை இல்லன்னா, எனக்கு ஓகே தான்"
-------------------------------------------------------
இன்னொரு நாள், அதே நண்பனுடன், ஒரு ஹோட்டலுக்கு சென்றேன். அசைவ உணவை பற்றி பேசி கொண்டிருந்தோம். சிக்கன், மட்டன், மீன் போன்றவை சலித்து விட்டதாகவும், தற்போது காடை, முயல், நண்டு போன்றவற்றையே விரும்பி சாப்பிடுவதாகவும் கூறினான்.
"முயலா, ச்சே ச்சே, நான் சாப்பிட மாட்டேன்பா" என்றேன்.
"ஏன்?"
"(பார்க்க) நல்லா இருக்கும்டா... அத போயி..."
"நல்லா இருக்கும்கிறதுக்காக தான் நான் சாப்பிடுறதே..."
"!?!"
2 comments:
எவரவர் ?
யே...யாருப்பா அது... அவனா நீ?
Post a Comment